Trajneri i Interit, Simone Inzaghi, po joshet nga ideja për të provuar një aventurë në Arabinë Saudite. Arsyeja dihet, për disa miliona euro më shumë, krejtësisht normale në këtë epokë.
Tekniku zikaltër, finalist i Champions League, është objektivi kryesor i Al-Hilal, klub që kërkon një zëvendësues të Jorge Jesus.
Sipas asaj që raportoi sot La Gazzetta dello Sport, pronari i klubit saudit beson se e ka bindur trajnerin të pranojë ofertën. Ata janë takuar prillin e shkuar në Milano. Inzaghi nuk ka thënë ende “po”. Paga që i ofrohet në Arabinë Saudite? 20 milionë euro në vit.
Presidenti i Al-Hilal ishte në Milano për të folur personalisht me Simone Inzaghin dhe për të propozuar një projekt të ri, por nuk u arrit asnjë marrëveshje: trajneri është i lumtur te Interi dhe dëshiron të qëndrojë në stolin e Nerazzurrëve. Një zgjedhje që e ka shtyrë klubin saudit të shikojë edhe profile të tjera, tani të pranuar faktin se Inzaghi do të thotë jo: Al-Hilal tani do të përqendrohet te një trajner portugez si Marco Silva ose Nuno Espírito Santo.
