Dy ish-konkurrentët e Ferma VIP, Lim Hoti dhe Alba Pollozhani befasuan publikun një javë pas daljes nga reality-show teksa u shprehën se marrëdhënia mes tyre po shkonte shumë mirë dhe dyshja po bashkëjetonte pas përplasjeve në fermë.
Mirëpo duket se gjërat nuk janë aq në vijë sa duken, pasi mbrëmjen e djeshme, teksa ish-fermerja ishte e ftuar në prime, një story që Limi postoi tronditi publikun dhe Albën.
Ish-fermeri i cili po qëndronte në shtëpi postoi një video të një vajze e cila dukej pothuajse nudo, teksa kërcente në mënyrë sensuale në shtëpinë e tij.
Edhe pse pak minuta më vonë video u fshi nga ai, kjo bëri që Alba të braktiste emisionin dhe të nisej për në shtëpi me një thirrje e cila shkaktoi edhe të qeshura në studio.
“Atëherë po bëj një thirrje publike për të gjithë banorët e rezidencës pranë liqenit, që të nisni të largoheni nga rezidenca sepse Alba Pollozhani do të jetë atje për 30 minuta dhe në rast se ndodh ndonjë tërmet unë nuk mbaj përgjegjësi për asnjë. Ah ju sugjeroj të rrini edhe poshtë rezidencës se mund të fluturojë nga dritarja ndonjë Hermes Prada ose Guçi dhe nuk dihet fati i kujt mund të jetë,” u shpreh ajo duke u larguar nga studio.
Dalja e Alba Pollozhanit dhe Lim Hotit nga Ferma VIP bëri bujë.
Fjalë qarkulluan se arsyeja e daljes së dy konkurrentëve u bë një shtatzëni, po këtij thashethemi nuk iu dha zë nga protagonistët.
Mirëpo së fundmi, të ftuar në prime-n e fermës, ish banorët sqaruan sesi po vazhdon raporti i tyre pas daljen duke shuar edhe zërat për shtatzëni teksa ironuzan lajmin e rremë.
