A e dini se më shumë se 400 ilaçe mund të shkaktojnë tharje të buzëve si efekt anësor?
Thatësia e buzëve është një gjendje e zakonshme dhe zakonisht e padëmshme, por në disa raste mund të sinjalizojë probleme më serioze shëndetësore.
Shkaktarët më të zakonshëm përfshijnë dehidratimin, stresin, konsumimin e tepërt të kafesë, alkoolit dhe përdorimin e shpëlarësve të gojës. Në raste të tilla, tharja është kalimtare. Megjithatë, nëse gjendja zgjat, mund të jetë shenjë e sëmundjeve si:
- Urthi: Acidi i stomakut që ngjitet në fyt mund të shkaktojë inflamacion dhe tharje.
- Diabeti: Niveli i lartë i sheqerit në gjak shkakton humbje të lëngjeve përmes urinës, duke çuar në dehidrim.
- Sëmundjet autoimune: Si artriti reumatoid, lupusi dhe vaskuliti mund të shfaqen me tharje të buzëve.
Lëpirja e buzëve për t’i lagur është një reagim i zakonshëm, por e përkeqëson gjendjen. Zgjidhja më e mirë është të përdorni rregullisht një balsam për buzë.
Nëse tharja është e vazhdueshme ose e shoqëruar me simptoma të tjera, është mirë të këshilloheni me mjekun, dentistin ose dermatologun.
