Një episod i pazakontë ka ndodhur në Parlamentin italian, ku deputeti i partisë Piu Europa, Riccardo Maggi, u paraqit i mbuluar me një çarçaf të bardhë, duke imituar një fantazmë. Mbi çarçaf kishte shkruar fjalën “Referendum”, në shenjë proteste ndaj heshtjes që sipas tij, mbizotëron në diskursin publik.
Ky veprim u interpretua si një kritikë ndaj qeverisë dhe mediave, të cilat Maggi i akuzon për mungesë transparence dhe diskutimi lidhur me referendumin e ardhshëm. Menjëherë pas incidentit, kryetari i Dhomës së Përfaqësuesve, Lorenzo Fontana, urdhëroi përjashtimin e tij nga salla.
Ndërsa po largohej, Maggi iu drejtua kryeministres Giorgia Meloni, duke i kujtuar që në të kaluarën ajo vetë kishte kritikuar qeveritë për mungesën e debatit rreth referendumeve. “Ishte viti 2016 dhe 2022,” u shpreh ai. Meloni, nga ana e saj, reagoi me një buzëqeshje.
Referendumi pritet të mbahet më 8 dhe 9 qershor dhe përfshin propozime për ndryshime në ligjin për marrjen e shtetësisë italiane, si dhe heqjen e disa rregulloreve që lidhen me marrëdhëniet e punës.
