Presidenti amerikan Donald Trump ka mbërritur në Arabinë Saudite, ku është pritur me nderime të larta ndërsa nisi udhëtimin e tij të parë të madh diplomatik jashtë vendit gjatë mandatit të tij të dytë.
Një video e shpërndarë nga zëvendësshefi i stafit të Shtëpisë së Bardhë, Dan Scavino, tregon momentin kur avioni presidencial Air Force One afrohet në hapësirën ajrore saudite, i shoqëruar nga të paktën pesë aeroplanë luftarakë sauditë, përpara se të ulët në Riad.
Ky udhëtim tre-ditor përfshin ndalesa edhe në Katar dhe Emiratet e Bashkuara Arabe, dhe konsiderohet nga analistët si një ngjarje me peshë historike për marrëdhëniet SHBA–Lindja e Mesme.
Princi i kurorës saudite, Mohammed bin Salman, ka theksuar rëndësinë e kësaj vizite, duke paralajmëruar nënshkrimin e marrëveshjeve që pritet të kapin vlerën e 600 miliardë dollarëve në investime të përbashkëta.
“Ky udhëtim do të jetë për biznes të madh dhe investime të mëdha”, ka deklaruar ai, duke nënvizuar se vizita e Trump-it do të thellojë bashkëpunimin strategjik dhe ekonomik mes dy vendeve.
