Zgjedhjet e 11 Majit shënuar një tjetër kapitull të zymtë për Partinë Demokratike, për një forcë e cila dikur përfaqësonte shpresën për ndryshim dhe frymën perëndimore në vend.
E teksa numërimit të qendrave të votimit në rang vendi po i vjen fundi, humbja e thellë të së djathtëve tregon jo vetëm një mungesë vizioni, por edhe një konsumim të thellë të lidershipit aktual.
Në qendër të këtij diskutimi qëndron ish-kryeministri dhe kryetari i Partisë Demokratike, Sali Berisha. I rikthyer me forcë në krye të një pjese të PD-së, pas përjashtimit të tij nga strukturat e Lulzim Bashës, ai premtoi ringritje të kësaj force politike dhe fitore.
Por, ajo që ndodhi ishte krejt e kundërta! Demokratët janë duke shënuar një humbje më të thellë se kurrë, madje dhe më të thellë se në vitin 2021 kur në zgjedhjet e prillit blutë drejtoheshin nga Lulzim Basha.
Tani pyetja që lind natyrshëm është: A do të japë dorëheqjen Sali Berisha? A do të respektojë ai atë që dikur e quajti “neni i Bashës”, një normë e brendshme e etikës politike që një kryetar partie që humb zgjedhjet duhet të tërhiqet?
Ai vetë, ka deklaruar në nëntor të vitit 2021 se nëse një kryetar i Partisë Demokratike do të humbë zgjedhjet, atëherë ai do të duhet t’i thotë lamtumirë PD-së.
Sipas Berishës, statuti i ri i cili do kalojë nga Kuvendi në 11 dhjetor, do sanksionohet me nen se nëse një kryetar i PD humb zgjedhjet duhet ti thotë lamtumirë PD-së dhe t’i hapë rrugë ndryshimit.
“Kush do mund të imagjinonte se partia që solli votën e lirë ta përjashtonte votën e lirë nga hapësirat tona. Unë i dëgjoj ata se në vend që të japin dorëheqjen dhe të thonë se jemi të paligjshëm, si kryesi jemi të paligjshëm por thonë, po ja ne u miratuam nga Këshilli Kombëtar.
Jo jo Këshilli Kombëtar nuk ka autoritet kurrë të dhunojë statutin e miratuar nga Kuvendi. Ky është një dhunim nga peng-kryetari sepse ai i mbodhi shpejt e shpejt lexoi emrat pa asnjë llojë vote. Dhe këto do marrin fund. Kryetari s’do mund të veprojë kurrë në këtë mënyrë dhe ai që do marri një akt të tillë do dënohet me ligj.
Së fundi, kryetari që humbet zgjedhjet do ti thotë PD lamtumirë. Edhe këtë nen në statut do ta quajmë ? neni Basha? që mos ta harrojnë ata që do vinë pas nesh në PD. Që ishte një kryetar që vinte nga humbja në humbje dhe thoshte nuk jap dorëheqje se nuk e thotë statuti. Tani do ja themi dhe e quajmë ? neni Basha?”, ka deklaruar Berisha në nëntor të vitit 2021.
Ndërkohë kujtojmë se deri më tani, 08:30, në rang vendi janë numëruar 4926 qendra votimi nga 5225 të mbetura në total. Partia Socialiste është ajo forcë që ka regjistruar një fitore të “frikshme”, ku deri më tani ka arritur të mbledhë plot 683379, ose e thënë ndryshe 52.09%.
Ndërkohë që Koalicioni Partia Demokratike-Aleanca për Shqipërinë Madhështore ka marrë 4511766 vota, e përkthyer në përqindje 34.49%.
