Deri në orën 21:00 të mbrëmjes së së hënës janë numëruar 71.44% e votave, përkatësisht 3,733 nga gjithsej 5,225 kuti.
Gjatë numërimit të fundit është shënuar një ndryshim mandatesh në qarkun e Lezhës, ku një mandat ka kaluar nga Partia Socialiste te Partia Demokratike.
Aktualisht, Partia Socialiste ka siguruar 53% të votave, që përkthehen në 82 mandate. Partia Demokratike ka marrë 34% të votave, që i japin 52 mandate.
Nisma “Shqipëria Bëhet” ka fituar 4% të votave dhe një mandat; Partia Socialdemokrate (PSD) gjithashtu 4%, por ka siguruar 3 mandate.
Ndërkohë, partia “Mundësia” ka marrë 3% dhe një mandat, dhe koalicioni “Bashkë” ka siguruar 1% të votave dhe gjithashtu një mandat.
Nga ana tjetër, Koalicioni Euroatlantik i Lulzim Bashës, deri më tani ka 1% të votave, por nuk ka siguruar akoma asnjë mandat, duke rrezikuar të mbesë jashtë kuvendit.
