Monika Kryemadhi, ish-bashkëshortja e Ilir Metës dhe ish-kryetare e Lëvizjes Socialiste për Integrim, deklaroi gjatë një interviste në emisionin “LOG” se i vjen keq vetëm për fëmijët e saj, të cilët sipas saj, ngrihen në mëngjes për të mbledhur vota për babain e tyre.
Ajo theksoi se nuk ndjen keqardhje për Ilir Metën, por vetëm për pasojat që përjetojnë fëmijët e tyre.
E pyetur nga analistët nëse ndjen keqardhje për qytetarët shqiptarë, Kryemadhi u përgjigj se ka qenë ndër të parat që ka denoncuar aferën e inceneratorëve. Sipas saj, nëse e ardhmja e Shqipërisë varet nga një grua e divorcuar me tre fëmijë, atëherë vendi është në një gjendje të mjerueshme.
“Shqiptarët qeshin kur Edi Rama i fyen burrat duke i quajtur ‘çyrikë’. Ata duhet të reagojnë dhe të dalin të votojnë,” u shpreh Kryemadhi.
