Avokati i presidentit të Partisë së Lirisë, Ilir Meta, Genc Gjokutaj ka folur lidhur me arrestimin e klientit të tij si dhe për gjendjen në të cilën ndodhen.
Në News 24, Gjokutaj bëri me dije se ish-presidenti ndodhet në gjendje të mirë shpirtërore, por ka shprehur mërzi dhe revoltë ndaj mënyrës së arrestimit të tij.
Ndër të tjera, avokati u pyet nëse Meta po konsumon ushqim burgu apo të sjellë nga jashtë.
Gjokutaj bëri me dije se presidenti i Partisë së Lirisë është me ilaçe, pasi ka probleme shëndetësore dhe për këtë arsye ai nuk konsumon ushqimin e burgut.
“Ushqimin e burgut nuk e konsumon. Ka shumë të burgosur të tjerë që nuk hanë ushqimin e burgut, por ushqimi sillet nga të afërm kryesisht. Meta pi dhe ilaçe. Nuk mund të hajë çdo lloj ushqimi, se ndjek terapi, në lidhje me probleme të shëndetit që ka. Gjella i shkon nga jashtë, nuk ka rëndësi se kush ia dërgon”, tha Gjokutaj.
