Kardinalët që marrin pjesë në konklavën sekrete në Vatikan do të rikthehen sot në mëngjes në Kapelën Sistine për të vijuar me votimet për zgjedhjen e Papës së ri.
Gjatë ditës së parë të konklavës, nga oxhaku i Kapelës Sistine u pa tym i zi, çka tregon se ende nuk është arritur një marrëveshje për emrin e Papës së ardhshëm. Votimet do të zhvillohen gjatë gjithë ditës, dy në mëngjes dhe dy pasdite.
Votimi i parë i ditës pritet të nisë rreth orës 10:30, i ndjekur nga një tjetër në orën 12:00. Pas drekës, kardinalët do të zhvillojnë dy votime të tjera, rreth orës 17:30 dhe 19:00.
Megjithatë, tymi nuk del domosdoshmërisht pas çdo votimi. Vetëm nëse zgjidhet Papa i ri gjatë votimit të parë të mëngjesit ose të pasdites, do të shfaqet tym i bardhë.
