Kryedemokrati Sali Berisha ishte i pranishëm në Korçë këtë të mërkurë, ku zhvilloi mitingun përmbyllës para zgjedhjeve që do të mbahen këtë të diel në 11 maj.
Në fjalën e tij ai ju ka bërë thirrje qytetarëve të Korçës por edhe gjithë shqiptarëve që pas katër ditësh të votojnë masivisht për ndryshimin.
Sipas tij në 12 vite shqiptarët vetëm janë larguar, prandaj në 11 maj duhet të ndëshkojnë masicvisht me votë qeverinë.
“Të dashur qytetare dhe qytetarë, 4 ditë na ndajnë nga një ditë e cila në të vërtetë për ne shqiptarë ndan dy epoka: ndan epokën në të cilën ne, një populli vuajtur në diktaturën më staliniste, në rrugën tonë të lirisë, patëm një aksident si asnjë komb tjetër. Përjetuam 12 vite narkoditaturë. Përjetuam në 12 vite vendosjen e një regjimi, i cili bëri gjithçka për të shtypur në Korçë dhe në Shqipëri pluralizmin, për të shtypur në Korçë dhe në Shqipëri opozitën. Bëri gjithçka për të plaçkitur korçarët dhe shqiptarët. Bëri çdo gjë për t’i përzenë ata nga vendi i tyre. Në 12 vite, u larguan nga Korça, nga Erseka, Pogradeci, Devolli, ndofta si kurrë në historine e tyre. U larguan, jo se nuk donin Korçën, Pogradecin, Devollin apo Ersekën. Përkundrazi, me pasuritë e mëdha të këssaj treve, me liqej mahnitës, fantastikë, jo vetëm për Ballkanin, Europën. Me fermerët e saj ndër më të zotët që mund të ekzistojnë. Me intelektualët e saj të shquar. Me artistët, me këngëtarët, me shkrimtarët, me elitën e saj, Korça është vetëm për t’u admiruar”, tha Berisha.
