Policia e Sarandës ka vënë në pranga kandidatin për deputet të koalicionit “Nisma Shqipëria Bëhet”, Ergys Isufi, pasi është kapur me një dozë lëndë narkotike e llojit kokainë,
Burime bëjnë me dije se në kohën kur u pikas nga efektivët, Ergys Isufi ka tentuar të ikë me vrap, por është kapur nga policia.
Gjithashtu mësohet se policia e Sarandës po ushtron kontroll në banesën e Ergys Isufit.
Kush eshte Ergys Isufi
Sipas nje prezantimi te bere ne faqen e tij te rrjeteve sociale, Facebook, kandidati i “Nismes Shqiperia Behet”, prezantohet si inxhiner elektrik.
“Ergys Isufi është inxhinier elektrik me eksperiencë të gjerë në menaxhimin e projekteve të mëdha infrastrukturore dhe energjetike brenda dhe jashtë vendit.
Ka drejtuar me sukses, iniciativa inovative për transportin detar elektrik në Suedi, duke kontribuar në zhvillimin e qëndrueshëm. I orientuar drejt efikasitetit, bashkëpunimit dhe rezultateve cilësore, me përkushtim për të dhënë kontribut real për vendin.
Gati të sjellë profesionalizëm, zgjidhje teknike dhe integritet në shërbim të publikut, prandaj kandidon në qarkun e Vlorës me koalicionin ‘Nisma Shqipëria Bëhet’”, thuhet ne faqen e tij te Facebook.
Po ashtu ne faqen e kandidatit per deputet, eshte publikuar dhe nje leter e hapur per partite e vogla te opozites, te cilave Ergus Isufi iu eshte drejtuar nga qendrimi i tij jashte vendit, pra ne Suedi.
