Shiko videon KËTU!
Një ngjarje e dhunshme ku i përfshirë është dhe deputeti i Partisa Demokratike Bledion Nallbati ka ndodhur më orët e vona të mbrëmjes së djeshme në qytetin e Bilishtit.
Në pamjet që shihni, duket Bledion Nallbati i cili zbret nga një makinë e zezë dhe i afrohet një kamioni, duke hapur derën dhe tentuar të godasë disa herë shoferin.
Sipas raportimeve të para, prezent në ngjarje ka qenë dhe Alti Nallbati, vëllai i deputetit. Tre persona janë shoqëruar në komisariat për të dhënë detaje lidhur me incidentin.
Nga deklarimet e para, mësohet se sherri ka ndodhur për shkak se shoferi i kamionit ka qenë me shumë shpejtësi, dhe mund të godiste makinën ku ishte deputeti i cili në garën e zgjedhjeve të 11 majit kërkon dhe një mandat tjetër nga qytetarët e Devollit.
Ngjarja ndodh në një moment kyç dhe mjaft delikat të fushatës, pasi ndodhemi vetëm një javë larg nga data e zgjedhjeve.
Deri në këto momente, nuk ka pasur asnjë sqarim apo reagim nga Bledion Nallbati.
