Një atentat i pastër mafioz ka tronditur Kenian këtë të mërkurë në mbrëmje, kur deputeti Charles Were u qëllua për vdekje në mes të trafikut në një nga rrugët më të frekuentuara të Nairobit.
Sipas policisë, skena ishte e mirëplanifikuar: deputeti ndodhej në makinën e tij, ndalur në semafor, kur një persona i armatosur zbriti nga një motor dhe qëlloi nga dritarja e pasagjerit, duke e lënë të pajetë në vend. Sulmuesi u rikthye në motor dhe u zhduk bashkë me shoferin e tij, në një lëvizje tipike atentatesh politike.
👤 Charles Were ishte në mandatin e tij të dytë në Parlament dhe, deri më tani, motivimi i sulmit mbetet mister. Autoritetet janë të rezervuara, ndërsa presidenti i Kenias, William Ruto, reagoi duke kërkuar “hetim të thelluar” dhe drejtësi për familjen e viktimës.
🕵️♂️ “Ata që qëndrojnë pas këtij sulmi duhet të përballen me ligjin,” – u shpreh presidenti në një deklaratë zyrtare.
🚨 Sulmi vjen në një kohë ku klima politike në disa vende afrikane është tensionuar, dhe dhuna ndaj figurave publike po kthehet në një trend shqetësues.
