Një tjetër tërmet ka goditur rajonin tonë këtë të enjte, kësaj here në Turqinë Perëndimore, ku lëkundjet u regjistruan në mesditë me magnitudë 4.3 ballë.
Sipas të dhënave nga institucionet sizmologjike, tërmeti ndodhi në orën 14:38 sipas kohës lokale, me epiqendër 15 kilometra në veri-veriperëndim të qytetit Simav dhe rreth 72 kilometra larg qytetit Uşak.
🔍 Thellësia ishte 11 kilometra, çka e bën një tërmet mesatarisht sipërfaqësor dhe potencialisht të ndjeshëm për banorët e zonës.
Deri tani nuk ka raportime për dëme materiale apo viktima, por për banorët që ndodhen në një nga zonat më aktive sizmike të rajonit, këto lëkundje janë më shumë “pjesë e përditshmërisë” se sa surpriza.
Pas lëkundjeve në Shqipëri, Greqi dhe tani edhe në Turqi, duket se Ballkani dhe rrethinat po “kërcasin” njëri pas tjetrit, si një dysheme e vjetër që s’po i reziston më peshës së problemeve.
