Nëse ndonjëherë je ndjerë sikur po i flisje një muri gjatë një debati, ka shumë gjasa që ke pasur të bësh me një nga këto shenja. S’ka rëndësi sa prova, sa fakte apo sa rrëmuja kanë shkaktuar – ata thjesht s’dinë të thonë “E kam gabim”. Le pastaj “më fal”… ajo është telenovelë më vete!
Luani – Mbreti i dramës që s’bie kurrë nga froni
Epo po, Luani është ai që do të djegë gjithë skenën, por s’do ta ulë kurrë kokën! Ka vetëbesim sa për pesë veta dhe një ego që as filtri i Instagramit s’e mbulon dot. Pranimi i një gabimi për të është njësoj si të dalë pa kurorë në publik – skandal! Në vend që të të kërkojë falje, përgatitu për një surprizë madhështore, ndonjë dhuratë luksi ose ndonjë status mister në rrjete sociale. Se të thotë “më fal”? Vetëm në ëndërr.
Akrepi – Mjeshtri i heshtjes dhe syve që vrasin
Ky është ai që e di shumë mirë që e ka bërë rrëmujën, por nuk do ta pranojë kurrë… me fjalë. Akrepi ka krenari të tillë që do të preferonte të fshihte çdo emocion sesa të tregonte dobësi. Ai do të fillojë të sillet ndryshe, me më shumë kujdes, më shumë dashuri, por jo – nuk do ta dëgjosh të thotë “më vjen keq”. Sepse për të, një falje është si të zhvishet shpirtërisht në mes të sheshit – dhe jo, ai nuk është për show publik emocional.
Ujori – Alien në tokë që flet vetëm në teorira
Argumente? Debate? Fakte? Ujori vetëm buzëqesh dhe thotë: “Ti ke mendimin tënd, unë kam timin.” Një mënyrë elegante për të të thënë “s’më intereson çfarë thua”. Ai e sheh veten si një mendimtar revolucionar që ecën përpara pa u kthyer pas. Dhe një ndjesë? Kjo s’është pjesë e fjalorit të tij. Për të, të pranojë një gabim është një koncept i huaj – si të marrësh Wi-Fi në hënë!
