Banorët e Fierit kanë rrëfyer momentet kur tërmeti lëkundi vendin. Kryeplaku i fshatit në një intervistë për mediat tha se njerzit dolën në rrugë nga frika, ndërkohë thekson se ishte një goditje e fortë.
“Tërmeti u ndje, dolën njerëzit nga shtëpia. Ishte mbi katër ballë thonë. Dëmet do i shohim nesër nëse ka. Njerëzit dolën në rrugë nga frika. Ishte goditje e fortë, zona jonë është mësuar me tërmete. Kjo sot ishte më e fortë. Po flisja me një shok më tha ‘nuk e morëm çupën, dolëm me vrap jashtë’. Ishte e frikshme”, u shpreh kryeplaku i fshatit, Tomorr Metani
Gjithashtu një banor tjetër u shpreh se nuk pati dëme por goditje ishte e fortë.
“Nuk pati dëme, ishte goditje e fortë, dolën nga banesa”, tha një tjetër banore.
Kujtojmë se mbrëmjen e sotme një tërmet me magnitudë 4, dhe me thellësi 5 km, lëkundi qytetin e Fierit ndërsa lëkundjet janë ndjerë edhe në Vlorë. Nërkohë, epiqendra e tërmetit ndodhej 56 kilometra në jugperëndim të Elbasanit dhe 11 kilometra në lindje të qytetit të Fierit. Momentalisht nuk ka raportime për të lënduar apo dëme materiale.
