Një sherr i dhunshëm raportohet të ketë ndodhur mes dy grave të moshuara në qytetin e Bilishtit, ku njëra prej tyre dyshohet se i ka hedhur tjetrës një solucion të paidentifikuar në sy.
Ngjarja ka ndodhur për motive të paqarta, të cilat sollën dhe tensionet mes grave. Pas sherrit njëra prej të dëmtuarve është dërguar në spitalin e Korçës për të marrë ndihmë shëndetësore.
Mjekët janë duke kryer analizat për të parë se çfarë pasojash mund t’i kenë ardhur nga solucioni në sy.
65-vjeçarja, e cila dyshohet për këtë akt, është shoqëruar në komisariatin e Devollit ku po merret në pyetje pasui dyshohet se vuan nga problemet e shëndetit mendor.
