Eris Mehmetaj nga Tropoja, personi që ra në pranga nga policia e Tiranës lidhur me vrasjen e 58-vjeçarit Renato Hoxhaj pak ditë më parë në Vlorë, duket se bënte një jetë luksoze.
Nga një vëzhgim në rrjetet e tij sociale, Mehmetaj ka publikuar disa fotografi nga Dubai, ku shfaqet edhe me një makinë të shtrenjtë.
Mehmetaj thuhet se ishte mik me Roan Brahimin, një emër i njohur për drejtësinë, i cili një vit më parë u ekzekutua në mes të Athinës. Nga hetimet, ka rezultuar se Mehmetaj i ka siguruar makinën me të cilin lëvizi autori i vrasjes së 58-vjeçarit në Vlorë, të cilës i kishte ndërruar edhe targat.
Gjatë arrestimit, i është sekuestruar një celular, ku janë gjetur prova të vlefshme për hetimin. Dyshohet se vrasja është porositur nga një grup kriminal nga Emiratet e Bashkuara.
Në orët e para të mëngjesit të së dielës në Vlorë, 58-vjeçari Rustem Hoxhaj u ekzekutua. Grupi hetimor dyshon se autori i vrasjes, i cili është filmuar nga kamerat e sigurisë, kishte përdorur një bark artificial dhe një maskë silikoni për të kamufluar identitetin e tij.
Për të siguruar fshehjen e fytyrës, ai kishte vendosur edhe një kapele dhe një maskë tjetër.
Pas krimit, dyshohet se vrasësi ka shpërthyer kufirin e gjelbër dhe ka ikur drejt Greqisë. Policia ka ndaluar ditën e djeshme shtetasin Eris Mehmetaj, i cili është mik i Roan Brahimit, i ekzekutuar në vitin e kaluar në Athinë. Brahimi ishte strehuar në Dubai.
Si ndodhi ngjarja?
Renato Hoxhaj u gjet i pajetë mëngjesin e 27 Prillit në lagjen “Hajro Çakërri” në Vlorë pranë banesës së tij.
Ai u ekzekutua me katër plumba, dy në kokë dhe dy të tjerë në trup.
58-vjeçari punonte si roje në një objekt ndërtimi pranë shtëpisë së tij, punë të cilën e kishte lënë para një viti.
Policia ka marrë në pyetje 5 persona, mes tyre edhe bashkëjetuesen e tij.
Ajo tha për mediat se 58-vjeçari nuk kishte shprehur shqetësime për konflikte të mundshme por ditët e fundit qëndronte i heshtur.
Policia ka shoqëruar dhe marrë në pyetje 5 persona, mes tyre bashkëjetuesen e tij Klodiana Rakipaj.
Ajo tha për mediat se viktima nuk kishte shprehur shqetësime për konflikte të mundshme por ditët e fundit qëndronte i heshur.
Rakipaj ka dëshmuar para grupit hetimor se kishte dëgjuar disa të shtëna, por kishte menduar se janë fishekzjarre.
