Seanca maratonë në Apelin e Gjykatës së Posaçme për inceneratorin e Elbasanit ka përfunduar. Ndërsa vendimi për Lefter Kokën dhe Alqi Bllakon që pritet të shpallet më 8 nëntor, në orën 14:00.
Pas diskutimeve dhe dëgjimit të palëve, vendimi i GjKKO-së për 5 tetorin 2023, që dënoi të pandehurit me një total prej 33 vitesh burg, u kërkua të rishikohet. SPAK apelon dënimin e Kokës, duke kërkuar që, përveç 5 viteve dhe 8 muajve për korrupsion, të përfshihet edhe akuza për “shpërdorim detyre,” duke e çuar dënimin e tij në 10 vite burg.
Ndërkohë, Kokës iu konfiskuan aksione në një kantinë pijesh në Durrës, me vlerë 3.7 milionë euro. Prokuroria kërkon gjithashtu dënimin me 4 vite burg për ish-deputetin Alqi Bllako, i cili ishte shpallur i pafajshëm nga shkalla e parë për akuzën e shpërdorimit të detyrës.
