Tashmë nuk ka më dyshime, Carlo Ancelotti do të largohet në fund të këtij sezoni nga Real Madrid për të marrë drejtimin e Brazilit. Italiani do të largohet direkt në fund të sezonit, “Los Blancos” do të kenë një trajner të ri vetëm për Kupën e Botës për Klube, kompeticion që zhvillohet për herë të parë në këtë format këtë verë nga data 15 qershor deri në 15 korrik.
Mediat spanjolle bëjnë me dije, se drejtuesit e Real Madrid kanë vendosur t’i besojnë ekipin në këtë kompeticion Santiago Solari-t, ish-lojtarit dhe ish-trajnerit të tyre. Solari ka drejtuar Realin në sezonin 2018-2019, por aventura e tij zgjati vetëm, 5 muaj pas eleminimit në Champions League nga Ajax.
Argjentinasi do të jetë trajner i përkohshëm, vetëm për Botërorin e Klubeve, ndërsa në përfundim të këtij kompeticioni, klubi madrilen pritet të zyrtarizojë trajnerin e ri, i cili sipas të gjitha gjasave do të jetë Xabi Alonso.
