Vetëm 20 ditë para mbajtjes së zgjedhjeve, Barometri i Euronews Albania ka realizuar matjen e katërt zgjedhore në nivel kombëtar. Anketa është zhvilluar përmes një kampioni të rastësishëm të shtresëzuar, ku janë pyetur ballë për ballë 1 600 qytetarë nga e gjithë Shqipëria. Të dhënat janë mbledhur gjatë periudhës 10 – 21 Prill 2025.
Pyetjes: “Për cilën parti do të votonit nëse zgjedhjet do të mbaheshin sot?” i janë dhënë këto përgjigje:
- Partia Socialiste (Edi Rama) – 42.6%
- Aleanca Shqipëria Madhështore (Sali Berisha) – 30%
- Nisma – Shqipëria Bëhet (Adriatik Lapaj) – 6%
- Partia Mundësia (Agron Shehaj) – 5.6%
- Lëvizja Bashkë (Arlind Qori) – 2.1%
- Koalicioni Euroatlantik (Lulzim Basha) – 0.7%
- Partia Social Demokrate (Tom Doshi) – 0.6%
- Aleanca Kombëtare Shqiptare (Eleni Kocaqi) – 0.6%
- Koalicioni Djathtas për Zhvillim (Dashamir Shehi) – 0.5%
- Të pavendosur – 11%
Sa i përket projeksionit të votës, Barometri parashikon këtë ndarje sipas intervalit të besueshmërisë:
- Partia Socialiste – 47.9% (nga 45.9% deri në 49.9%)
- Aleanca Shqipëria Madhështore (PD) – 33.7% (31.7% – 35.7%)
- Nisma – Shqipëria Bëhet – 6.7% (5.2% – 8.2%)
- Partia Mundësia – 6.3% (4.8% – 7.8%)
- Lëvizja Bashkë – 2.4% (1.4% – 3.4%)
- Partitë e tjera – 3% (2% – 4%)
Këto janë matjet e dyta që publikohen në këtë fushatë, teksa mbetet për t’u parë se çfarë do të ndodhe deri në 11 maj.
