Arsenal nuk ka shkuar më shumë se barazimi 2-2 ndaj Crystal Palace në “Emirates”, ndeshje e vlefshme për javën e 34-të në Premier League.
“Topçinjtë” gjetën golin që në minutën e dytë me Jakub Kiëior i cili kërcen më shumë se mbrojtësit miq dhe dërgon topin në rrjetë me kokë pas krosimit nga goditja e dënimit e Martin Odegaard.
Crystal Palace barazon shifrat 1-1 në minutën e 27-të me të zakonshmin Eberechi Eze, i cili shënon me një goditje gjysmë fluturimthi pas topit të krosuar nga goditja e këndit.
Në minutën e 42-të, belgu Leandro Trossard do të kalonte sërish Arsenalin në avantazh me një gol të bukur pas asistit të Timber. Në minutën e 83-të, Crystal Palace barazon shifrat me golin e shënuar nga Jean-Philippe Mateta, i cili shënoi një supergol duke përfituar nga një gabim qesharak i mbrojtjes vendase.
Me barazimin e Arsenalit sot që vlen sa për statistikë, Liverpool-it i duhet vetëm një pikë ndaj Tottenham në fundjavë për t’u shpallur zyrtarisht kampion në Premier League.
