Lajme të mira te Real Madrid pak ditë para finales së madhe për Kupën e Mbretit ndaj rivalit historik Barcelonës, e cila do të luhet të shtunën në mbrëmje.
“Marca” raporton se Ancelotti do të ketë në dispozicion për finalen kundër Barcelonës, Kylian Mbappe dhe Ferland Mendy. Francezi kishte pësuar një ndrydhje të këmbës në çerekfinalen ndaj Arsenalit në Champions League dhe nuk ishte i pranishëm për ndeshjen në La Liga ndaj Athletic Bilbao në fundjavë.
Ndërsa Mendy vjen nga një dëmtim serioz që pësoi në derbin ndaj Atletico Madrid në Champions League më 12 mars. Të dy lojtarët do të jenë në stol nesër ndaj Getafe në La Liga, por Ancelotti nuk do rrezikojë asnjërin prej tyre për t’i pasur në dispozicion të plotë në fundjavë ndaj Barcelonës.
