Tashmë nuk ka më njeri dyshime se Carlo Ancelotti do të largohet nga drejtimi i Real Madrid në fund të këtij sezoni, edhe nësë ndodhë që “Los Blancos” të fitojë La Ligën dhe Kupën e Mbretit, tekniku italian sërish do të largohet.
Emri më i përfolur për të pasuar Ancelottin është Xabi Alonso, por burime pranë njerëzve të afërt me Florentino Perez bëjnë me dije se dëshira e madhe e presidentit të Realit për t’i besuar drejtimin e ekipit është Jurgen Klopp.
Perez është i bindur që Klopp do ishte njeriu i duhur për të drejtuar një ekip si Real Madrid, sipas burimeve pranë tij, presidenti madrilen ka dyshime se Xabi Alonso nuk ka ende përvojën e duhur për të drejtuar një klub si “Los Blancos”.
Në anën tjetër, Klopp, i cili vendosi të pushojë përkohësisht nga puna si trajner pasi u largua nga Liverpool në fund të sezonit 2023/24, nuk ka dhënë asnjë indikacion të qartë për një rikthim të mundshëm në stol për sezonin e ardhshëm. Megjithatë, profili i tij përshtatet në mënyrë të përkryer me lidershipin dhe karizmën që i duhet një trajneri për të drejtuar një klub si Real Madrid.
Mundësia për të parë 57-vjeçarin në krye të Real Madridit nuk është aq e largët sa dukej disa muaj më parë. Megjithatë, Carlo Ancelotti do vazhdojë të jetë në krye të stolit madrilen deri në fund të sezonit aktual dhe trajneri i ri do zyrtarizohet para 15 qershorit, datë kur fillon Kupa e Botës për Klube dhe Reali është një nga klubet pjesëmarrëse.
