Një magazinë e madhe me lëndë narkotike u zbulua gjatë aksioni policor në Korçë.
Magazina e madhe, si shihet në foto ndodhet në fshatin Voskop në Korçë dhe ishte e mbushur me hashash.
Burime për mediat njoftojnë se policia ka arrestuar disa persona, mes të cilëve disa prej të prangosurve janë gra që ndodheshin në magazinë.
Dyshohet se gratë e arrestuara u arrestuan në flagrancë duke përpunuar lëndën narkotike. Të arrestuarit janë dërguar në Drejtorinë Vendore të Korçës ku do merren në pyetje, ndërsa policia në vendngjarje po bën peshimin e hashashit i cili është në sasi të konsiderueshme.
Droga dyshohet se është marrë nga tjetër vend dhe është mbledhur në magazinë për t’u tharë, e më pas për t’u tregtuar. Burimet bëjnë me dije se gjithashtu janë gjetur armë zjarri në magazinë.
