Për vrasjen e Gjovalin Prendit, babait të Roan Brahimit në Lezhë, forcat speciale ushtruan kontrolle në disa banesa në Fushë-Kuqe në Kurbin, e konsideruar zona e Ervis Martinaj, bosi i zhdukur i lojërave të fatit me të cilin Brahimi ka qenë rival i përbetuar.
Sipas mediave, kontrolle janë ushtruar edhe në Mirditë në fisin Reçi.
Forcat speciale shkuan në banesën e Ardian Gjeloshit, i cili i ka shpëtuar një atentati.
Ende nuk ka informacione nëse ka këto kontrolle janë gjetur prova që mund t’I vlejnë hetimit, apo nëse ka persona të shoqëruar.
Roan Brahimi alias Sidorel Prendi, njihej si rival i Ervis Martinajt, pasi ishte i shpallur në kërkim për tu pyetur për vrasjen e Brilant Martinajt, (kushëriri i Ervis Martinajt) atentat që ndodhi në 17 korrik 2022, dhe u vranë dhe 2 të tjerë.
Gjovalin Prendi u ekzekutua më 17 prill të këtij viti në Pllanë të Lezhës. Krimi u regjistrua rreth orës 20:00 brenda lokalit në pronësi të viktimës, në anë të rrugës nacionale Lezhë-Milot, në afërsi të Urës së Matit.
