Lionel Messi foli në kanalin YouTube ‘Simplemente Fútbol’ për shumë tema karriere por edhe për të analizuar rritjen e Lamine Yamal, i konsideruar si fenomen. Sulmuesi aktual i Inter Miami tha: “Është vërtet mbresëlënëse ajo që Lamine Yamal po tregon, çfarë po bën dhe çfarë ka bërë tashmë. Ai tashmë ka fituar Europian me Spanjën si protagonist.”
Messi shtoi: “Ai është vetëm 17 vjeç, ai është ende në rritje dhe ai do të vazhdojë të rritet si lojtar dhe të kontribuojë në lojën e tij, siç kam bërë unë. Ai ka cilësi të jashtëzakonshme dhe tashmë është një nga lojtarët më të mirë në botë”.
Për të ardhmen e tij ai tha: “Nuk kam asnjë dyshim që do të vazhdoj të garoj. Kjo natyrë nuk do të më braktisë kurrë, sepse është pjesë e imja. Kështu jam rritur. Më pëlqen të fitoj dhe të konkurroj”.
Argjentinasi, i cili ka një kontratë deri në fund të vitit 2025, përfundoi duke përsëritur se hapi i tij i ardhshëm do të jetë i lidhur ngushtë me Kupën e Botës 2026 në Shtetet e Bashkuara, Meksikë dhe Kanada: “Ky vit do të jetë i rëndësishëm për vendimin tim në lidhje me Kupën e Botës. Do të gënjeja nëse do të thoja se nuk po mendoj për të.”
