Një familje në New York përjetoi një situatë të jashtëzakonshme, pasi pasi kishin kryer kremacionin dhe kishin mbajtur funeralin për vajzën e tyre të zhdukur, pas shtatë muajsh zbuluan se ajo ishte ende gjallë.
Shanice Crews, 28 vjeç, ishte shpallur e zhdukur në korrik të vitit 2021. Në prill 2024, policia i njoftoi familjarët se ajo ishte gjetur e vdekur dhe se kishte ndërruar jetë nga një mbidozë droge. Sipas autoriteteve, identifikimi ishte konfirmuar përmes regjistrave dentarë dhe një autopsie. Për shkak të gjendjes së rëndë të dekompozimit të trupit, familjarët nuk e panë trupin dhe pranuan ta kremonin. Ata mbajtën një ceremoni funerale dhe hirin e trupit e përzien me atë të nënës së ndjerë, duke e vendosur në suvenire përkujtimore.
Por në nëntor 2024, një i panjohur i dërgoi familjes një foto të fundit të Shanice Crews, duke provuar se ajo ishte gjallë. Ky zbulim tronditi familjen, e cila tashmë kishte kaluar procesin e zisë dhe kishte pranuar vdekjen e saj. Ata besojnë se Zyra e Ekzaminuesit Mjekësor të Qarkut Monroe ka vepruar me nxitim për të mbyllur çështjen e zhdukjes.
Zyra ofroi të mbulojë shpenzimet e funeralit, por familja ka njoftuar se do të ndjekë rrugën ligjore për shkak të traumës së shkaktuar.
