Një 24-vjeçar shqiptar ka rënë në prangat e policisë italiane pasi u kap nga policia me 22 kilogramë hashash në makinë.
Sipas raportimeve i riu u kap nga një kontroll i rastësishëm i policisë në automjetin e marrë me qira nga i riu në Romë.
Gjatë kontrollit policia gjeti në makinë 217 pako me hashash me peshë 100 gramë secila.
Ajo që bëri policinë të kontrollonte mjetin e të riut, ishte sjellja nervoze e këtij të fundit kur u ndalua nga efektivët.
Sakaq, policia sekuestroi drogën, 600 euro cash dhe dy velularë.
Shqiptari nuk kishte precedentë të më parshëm penalë ndërsa tashmë do të përballet me autoritetet italiane për trafik droge.
