Edhe pse e nisën takimin e sotëm në mënyrë të shkëlyqer, PSG vuajti shumë në “Villa Park”, por në fund pret biletën për në gjysmëfinale. Kampionët e Francës vinin nga një avantazh 3-1 i ndeshjes së parë dhe me dy golat e shpejtë të shënuar sot, u mendua se për ta kualifikimi do ishte thjesht formalitet, por nuk ndodhi ashtu.
Francezët gjetën të parët golin në minutën e 10-të më Achraf Hakimi. Marokeni përfitoi nga një dalje e gabuar e Emiliano Martinez dhe dërgoi saktësisht topin në rrjetë. SHIKOGLIN
Goli i dytë erdhi në minutën e 27-të me një aksion të shpejtë të francezëve, Dembele asiston bukur për Nuno Mendez, i cili e finalizon me gol me një goditje fantastike brenda zonës. SHIKOGOLIN
Në minutën e 35-të, ka ardhur reagimi i vendasve që kanë ngushtuar shifrat me golin e Youri Tielemans, i ndihmuar edhe nga devijimi i mbrojtësit të PSG-së. SHIKOGOLIN
PSG e mbylli pjesën e parë në avantazh 1-2 ndaj Aston Villa-s në “Villa Park”, por ekipi i drejtuar nga Unai Emery e ka nisur në mënyrë të shkëlqyer pjesën e dytë duke shënuar dy gola të shpejtë për 2 minuta.
Fillimisht, në minutën e 55-të, Aston Villa barazoi shifrat me golin e bukur të John McGinn, i cili shënoi me një goditje të fuqishme nga distanca. SHIKOGOLIN2
Dy minuta më pas, Aston Villa shënoi edhe golin e tretë, pas një depërtimi fantastik të Marcus Rashford dhe asistit perfekt për
Ezri Konsa, ky i fundit dërgon topin në rrjetë. SHIKOGOLIN3
Shifrat nuk ndryshuan deri në fund. Aston Villa fiton 3-2, por PSG kualifikohet për në gjysmëfinale pas fitores 3-1 në ndeshjen e parë. Francezët në gjysmëfinale do ndeshen me fituesin e çiftit Real Madrid-Arsenal.
