Bayern do ta nisë merkaton e verës duke investuar fillimisht paratë që do të arkëtojë nga shitja e sulmuesit Mathys Tel.
Francezi, shumë i talentuar, por kurrë në vëmendjen e bavarezëve, u huazua te Tottenham në janar. Ai ka klauzolë largimi (përfshirë huazimin) të fiksuar në shifrën 60 mln euro.
Klubi anglez duket dakord për ta paguar këtë shifër, sepse lojtari ka bindur dhe drejtuesit janë të kënaqur me ecurinë e tij.
60 mln euro do të përdoren nga Bayern për të kryer një ndërhyrje në krahun e majtë të ofensivës, aty ku luan Coman. Francezi pritet të shitet dhe në vend të tij do të transferohet Florian Wirtz.
Për gjermanin nevojiten 120 mln euro (minimumi), por Bayern është gati të sakrifikojë për blerjen e tij, madje edhe duke shitur 5% të aksioneve.
