Kjo ditë e veçantë, që fillimisht u festua në disa shtete të SHBA-së dhe Kanadasë, sot njihet zyrtarisht edhe në shumë vende të Europës. Ajo ka për qëllim të forcojë lidhjet mes motrave dhe vëllezërve, duke vlerësuar praninë e tyre në jetën tonë dhe duke nxitur më shumë dashuri e afërsi mes nesh.
Një studim i publikuar në Journal of Family Psychology ka zbuluar se prania e një motre ka ndikim shumë pozitiv në shëndetin mendor dhe vetëbesimin e një individi. Gjatë adoleshencës, të kesh pranë një motër apo vëlla ndihmon për të përballuar ndjenjën e vetmisë dhe për të ndërtuar një vetëvlerësim më të fortë.
Pavarësisht moshës, motrat dhe vëllezërit krijojnë një mjedis të ngrohtë familjar, ku mbizotërojnë mirëkuptimi, dhembshuria dhe qetësia shpirtërore. Ata luajnë një rol të rëndësishëm në formimin e sjelljeve tona altruiste dhe në forcimin e vlerave që na përcjell familja.
Janë bashkudhëtarët tanë më të hershëm – ata që na kanë parë të rritemi dhe me të cilët ndajmë kujtimet më të çmuara, sfidat dhe gëzimet e jetës.
A ke një kujtim të veçantë nga marrëdhënia me motrën apo vëllain tënd që do të doje të ndaje me ne?
