Deputetja e Partisë së Lirisë, Monika Kryemadhi feston sot 51 vjetorin! Ndryshe nga herët e tjera, kjo ditëlindje e gjeti ish-drejtuesen e Lëvizjes Socialiste për Integrim në Tashkent të Uzbekistanit në Sesionin Plenar të Asamblesë Parlamentare të Unionit Ndërparlamentar.
Për të falenderuar të gjithë miqtë, kolegët të cilët që në orët e para të këtij 9 prilli ja “thyen” telefonin me mesazhe, ka zgjedhur një kënd tepër special për të treguar kështu se këto 51 vite të jetës së saj kanë qenë të rrëmbyera, të forta, të freskëta por edhe të pastra.
“Të dashur miq ju falenderoj shumë për urimet dhe ju jam shumë mirënjohës në të gjithë rrugëtimin tim të politikës të miqësisë dhe të asaj që ju e keni bërë të bukur. Jeta ime në këto 51 vjet ka qenë si kjo ujëvarë e rrëmbyer, e fortë e freskët por edhe e pastër, prandaj joi pa qëllim që sot dua tju falenderoj me këtë video”, dëgjohet të thotë Kryemadhi.
Një falenderim special nga deputetja ka shkuar pikërisht për tre fëmijët e saj, Borës, Besartin dhe Erën te të cilët gjen strehim nga çdo stuhi që jeta e ka përplasur dhe janë ata që ja kanë ngrohur zemrën.
“Faleminderit Bora, Besar, Era që gjithmonë më ngrohni zemrën me mesazhet tuaja por dhe gjithmonë më sillni jo vetëm buzëqeshjen por gjithësinë e mirësisë në botë”, thotë deputetja.
