Për sulmuesin e Francës dhe e Atletico Madridit, Antoine Griezmann, data 8 prill ka një domethënie të veçantë, duke qenë se të tre fëmijët e tij, Mia, Amaro dhe Alba, kanë lindur në po të njëjtën datë.
Nuk ka dyshim se kjo datë përfaqëson një ditë të madhe dhe të rëndësishme për familjen Griezmann dhe është me të vërtetë një gjë e rrallë që tre fëmijë të moshave të ndryshme të lindin në të njëjtën ditë.
Është një rastësi që vështirë të arrihet, por francezi nuk është rekordmen botëror.
Kështu, sipas Librit të Rekordeve Guinness, familja Cummins nga SHBA është rekordmene botërore me pesë fëmijë të lindur në të njëjtën datë (20 shkurt) të moshave të ndryshme.
Catherine (1952), Carol (1953), Charles (1956), Claudia (1961) dhe Cecilia (1966), lindur nga Carolyn dhe Ralph Cummins.
Griezmann është ende larg formës së duhur këtë sezon dhe në 30 ndeshje ka shënuar vetëm tetë gola me pesë asistime.
