Rruga e Shqipërisë në BE, por edhe konfliktet në botë, ishin në fokus të bisedës në emisionin “Real Story” në ABC News, ku ishte i ftuar kreu i “Lëvizjes Bashkë”, Arlind Qori.
Gjatë kësaj interviste, ai u shpreh se është pro integrimit të Shqipërisë që të bëhet pjesë e familjes europiane, duke nënvizuar po aq me rëndësi është fakti që ku anëtarësimi të bëhet me dinjitet.
“Ne jemi shumë të lumtur që Shqipëria është në NATO sepse kjo ka të bëjë me interesin kombëtar. Ne duam që Shqipëria të jetë pjesë e BE, por të anëtarësohet me dinjitet. Por ne nuk mund t’i veshim sytë nga padrejtësitë ekstreme që ndodhin në botë. Kritikë që asaj që po ndodh në Palestinë janë parti jo vetëm të së majtës, por edhe të qendrës. Ne si Shqipëri nuk mund ta ndreqim botën, por nuk mund të veshim sytë. Nuk mund të themi kjo gjë nuk ekziston”, tha mes të tjerash Arlind Qori.
