Një kompani bioteknologjie në Teksas të Shteteve të Bashkuara të Amerikës e quajtur Colossal Bioscience ka arritur një sukses të jashtëzakonshëm shkencor duke rikrijuar tri ujqër, specie të cilat ishin zhdukur 13 mijë vite më parë.
Këta ujqër njihen me emrin “Ujku i tmerrshëm” ose “Ujku Lashtë” nga Seriali Game of Thrones.
Sipas Neë York Times, projekti nisi në vitin 2021, kur shkencëtarët arritën të nxirrnin ADN nga fosilet e Ujqërve të Antarkikut, të cilët u zhdukën rreth 13,000 vjet më parë. Në vitin 2023, kompania Colossal vendosi të fokusohej te këta ujqër për shkak të ngjashmërisë së tyre me qentë dhe ujqërit e sotëm. ADN-ja që u përdor erdhi nga dy burime, një dhëmb i vjetër 13,000-vjeçar nga Shteti i Ohajos si dhe një kafkë e vjetër më shumë se 72 mijë vite nga Idaho .
Pas analizave gjenetike, u vërtetua se Ujqërit e Lashtë kishin lidhje të afërta me ujqërit, çakejtë dhe qentë e egër që jetojnë edhe sot. Me ndihmën e kësaj ADN-je, shkencëtarët modifikuan 20 gjene të ujkut gri për t’i dhënë atij pamjen dhe karakteristikat e Ujqërve të Antarkikut. Në fund, për shkak të problemeve që disa mutacione shkaktonin te kafshët si shurdhimi dhe verbëria ata përdorën vetëm 15 gjene të modifikuara.
Këto gjene u përdorën për të krijuar embrione, të cilat u vendosën për t’u rritur në barkun e një ujkonje që u përdor si kafshë surrogate. Rezultati i këtij eksperimenti shkencor ishin tri ujqër të rinj, dy meshkuj dhe një femër të quajtur, Romylos, Romos dhe Kalisi.
Ata kanë tipare të ngjashme me Ujqërit e Antarkikut: trup të madh, gëzof të dendur dhe me ngjyrë të çelët. Këta ujqër do të qëndrojnë në një perimeter të kontrolluar dhe nuk do të lirohen në natyrë, por lindja e tyre përfaqëson një hap të madh në shkencë.
Kjo teknologji mund të ndihmojë në të ardhmen për të shpëtuar specie që janë në rrezik zhdukjeje, si ujku i kuq i Karolinës së Veriut.
