Fletët e votimit dhe zarfe të prodhuara në Slloveni për zgjedhjet parlamentare të 11 Majit kanë mbërritur në ambientet e Parkut Olimpik, në sallën sportive “Fetih Borova”.
Këto materiale zgjedhore do të qëndrojnë aty, dhe të mërkurën do të fillojë procesi i mbushjes së zarfeve me fletët e votimit dhe udhëzuesin e përgatitur nga KQZ-ja për mënyrën e votimit. E gjithë procedura do të monitorohet nga kamerat dhe do të transmetohet në kohë reale në faqen e KQZ-së.
Komisioneri Shtetëror i Zgjedhjeve, Ilirjan Celibashi, ka njoftuar përmes një postimi në rrjetet sociale se për shqiptarët që jetojnë në Europë, zarfe me fletët e votimit do të arrijnë nga data 15 deri më 22 Prill, ndërsa për ata që jetojnë në kontinentet e tjera, nga data 15 deri në 25 Prill.
Ai sqaroi se çdo votues nga jashtë ka vetëm tre ditë për të dërguar votën e tij, dhe më pas duhet ta rinisë zarfin me të njëjtën kompani postare, pa asnjë kosto për ta, pasi të gjitha tarifat mbulohen nga KQZ.
