Të ardhurat e institucioneve arsimore janë ulur gjatë vitit akademik 2024-2025, për shkak të uljes së regjistrimit të studentëve në fakultete të ndryshme të vendit.
Të dhënat janë bërë të ditura nga Ministria e Financave, të cilët raportojnë se nga janari-shtator janë grumbulluar 612 milion lekë nga tarifa e regjistrimit. Por nëse kjo shumë krahasohet me të njëjtën periudhë të një viti më parë, është 10% më pak ose afro 66 milion lekë.
Sipas ekspertëve kjo ulje e të ardhurave pasqyron faktin se numri i regjistrimeve në institucionet e arsimit të lartë ka ardhur në ulje. Sipas statistikave, nga 30,700 kuota të lira të ofruara, vetëm 20,000 studentë zgjodhën të vazhdojnë studimet në një nga fakultetet e vendit.
Disa degë studimi janë në nevojë për studentë, mes tyre degët inxhinierike, si fizika, kimia, matematika dhe inxhinieria gjeologjike të cilat kanë tërhequr gjithënjë e më pak të rinj.
Vlen të theksohet se numri në ulje i regjistrimeve në universitete ndikohet edhe nga të rinjë që zgjedhin të studiojnë jashtë vendit, ose nuk studiojnë fare në asnjë degë.
