Dy shtetas shqiptarë janë arrestuar në Britaninë e Madhe më 31 mars, të cilët ishin përfshirë në trafikun e drogës.
Sipas mediave angleze, mësohet se shtetasi Mirjan Kastrati, 35 vjeç është dënuar me gjashtë vjet e tre muaj burg pasi u deklarua fajtor për shpërndarje kokaine ndërsa Mario Gilaj, 24 vjeç, u dënua me tetë vite burg.
Kokaina që ata kishin tregtuar arrinte vlerën e mbi 400,000 paundëve.
Hetimet e kryera nga grupi hetimor kanë zbuluar të dhëna dhe dokumente dixhitale, që vërtetonin se dy burrat kishin qenë përgjegjës për furnizimin e rreth 4 kilogramëve kokainë në Surrey në një hark kohor dy mujor midis korrikut dhe shtatorit, me një vlerë prej rreth 413,000 £.
“Këta dy burra ishin të shqetësuar vetëm për fitimin e tyre të paligjshëm dhe tani do të kalojnë së bashku 14 vjet në burg”, është shprehur oficeri hetues, PC David Oliver.
