Një zjarr shkatërrues shpërtheu në mes të natës në një kompani në periferi të Romës, duke shkatërruar shtatëmbëdhjetë makina elektrike Tesla. Zjarri shpërtheu pak pas orës 4 të mëngjesit në via Serracapriola, në zonën e Torrenova. Flakët u përhapën me shpejtësi dhe krijuan një kolonë të dendur tymi të dukshme për kilometra larg.
Zjarrfikësit ndërhynë menjëherë, por zjarri kishte shkruambuar totalisht mjetet. Policia e kryeqytetit ka nisur hetimet për zbardhjen e shkakut të katastrofës. Hetuesit nuk përjashtojnë asnjë hipotezë, përfshirë atë të një akti terrorist. Ekipi mjeko-ligjor është duke analizuar gjetjet dhe pamjet nga kamerat e sigurisë për të kuptuar se kush i është afruar parkingut para zjarrit.
Ndërkohë Elon Musk e quajti incidentin një akt terrorist. Miliarderi iu përgjigj në këtë mënyrë një postimi nga një llogari që pretendon se ai në Romë nuk ishte “zjarr në një dyqan; është një sulm terrorist“.
