Leverkusen është tronditur sonte teksa është eliminuar nga Kupa e Gjermanisë në fazën gjysmëfinale duke u dërguar në shtëpi nga një skuadër e ligës së tretë, Arminia Bielefeld, e cila ka arritur të fitojë 2-1 dhe të rezistojë deri në fund falë dy golave të pjesës së parë.
Djemtë e Xabi Alonsos u zgjuan vetëm 20 minutat e fundit dhe nisën sulmet e vazhdueshme dhe të pambarueshme te porta kundërshtare por ishte vetëm diçka kaotike dhe fansat vendas të zhurmshëm shtynë bardheblutë të mbanin këtë rezultat të jashtëzakonshëm që i çon në finalen e Kupës së Gjermanisë, duke hequr nga kompeticioni skuadrën që vjet e fitoi.
Për “Aspirinat”, një sezon që rrezikon të mbyllet vetëm me Superkupën e fituar në verë ndaj Stuttgart në finale. Sepse nga Champions u eliminuan, në Bundesliga janë 6 pikë pas Bayern Munich dhe tani ikën edhe nga DFB Cup.
