Sekretari i Përgjithshëm i Partisë së Lirisë, i cili u shfaq live në një konferencë sot, ka kërcënuar kryeministrin Edi Rama, duke e akuzuar si kryebandit dhe drejtues të një narkoshteti. Ai tha se Rama “rrëmbeu në akt terrorist” Ilir Metën, presidentin e Partisë së Lirisë.
Blushi paralajmëroi kryeministrin se nëse Metës do t’i ndodhte ndonjë gjë në paraburgim, ai do të mbante përgjegjësi personale dhe se Rama “s’do gjente vrimë miu dhe gjylpëre për t’u fshehur”. Ai theksoi se kishte pasur një skenar për eliminimin fizik të Ilir Metës, por që sipas tij, “fatmirësisht dështoi”.
Në përfundim, Blushi bëri thirrje edhe për ata që i quajti “spiunë” që të mos i afroheshin partisë, duke theksuar se situata është e rrezikshme dhe kërkoi mbështetje për të mbrojtur liderin e tyre.
Blushi: Një nga oficerët e ngarkuar në detyrë që duhej të bënte prezantimin e mandatit, unë për pak do ju tregoj pamjet filmike, ishte ngarkuar misioni politik, është një djalë që emrin e tij rezervoj ta them, një djalë 27 vjeçar, i cili ka shërbyer si roje trafiku. Sfidoj zarin e Ramës në krye të ministrisë së brendshme, polici i lidhur me bandat e Durrësit. Do të bëjmë kallëzim penal sepse dokumentet ngelen. Një ditë drejtësia do të çlirohet. Jemi në aksion, nuk bëjmë show, do të bëjmë aksione të vërteta politike. U bëj thirrje gjithë spiunëve që të qëndrojnë larg selisë së Partisë së Lirisë. Paralajmërim edhe për Edi Ramën, se nëse Ilir Metës i ndodh gjë brenda ambienteve ku është izoluar, përgjegjësia është personale, jo vrimë miu, por as vrimë gjylpëre nuk do gjejë. Pati skenar për eliminim fizik të presidentit të Partisë së Lirisë, Ilir Meta, por që për fat të mirë dështoi.
