Zlatan Ibrahimovic u rikthye në Milanello pak ditë më parë pas disa ditësh, madje javësh mungesë. Pas ndeshjes që kuqezinjtë humbën kundër Napoli, ai shpjegoi arsyen e kësaj periudhe të gjatë mungese.
“E vërteta është se isha i sëmurë, u mora me një virus dhe humba tre kilogramë. Tani jam mirë, jam i pranishëm dhe jam këtu për të ndihmuar brenda dhe jashtë fushës“, deklaroi drejtuesi suedez i Milan.
Është e pashmangshme të flitet për zgjedhjen e drejtorit sportiv, një temë e rëndësishme e Milan në këtë periudhë. “Flitet shumë për këtë gjë por ne jemi të bashkuar, punojmë së bashku dhe po përpiqemi të kuptojmë se çfarë duhet dhe çfarë nuk duhet”, shtoi Ibrahimovic.
Më tej, suedezi tha: “Është e rreme që kam debatuar me Furlani. Ne flasim për gjithçka, çdo ditë. Unë jam këtu për të ndihmuar që gjërat të shkojnë më mirë dhe ne shpresojmë për atp të përmirësohen edhe më shumë“.
