Nënpresidentja e PL-së, Erisa Xhixho ka folur në lidhje me arrestimin e Ilir Metës dhe masën detyrim paraqitje për deputeten, Monika Kryemadhi.
Por në këtë dosje implikohet edhe babai i saj, Pirro Xhixho, i cili akuzohet se duke shfrytëzuar autoritetin e tij si Kryetari i AKEP, i zgjedhur nga Kuvendi i Shqipërisë me propozimin e subjektit politik “Lëvizja Socialiste Për Integrim” (LSI), në zbatimi të porosive të marra nga s Meta dhe Kryemadhi, jo vetëm ka ndikuar tek drejtuesit e kompanisë telefonike celulare për finalizimin e marrëveshjes por nga ana tjetër, ka lejuar kompaninë private të ushtrojë aktivitetin e saj në shkelje të ligjit të AKEP.
Mirëpo Xhixho thotë se nuk ka asnjë akuzë personale ndaj babait të saj, ajo po ashtu u shpreh “dosja e SPAK” është një paçavure.
“Në këtë fushë si një ekspert dhe më duhet të them se nuk ka asnjë akuzë personale ndaj babait tim. Është marrë një masë…mua më njoftuan, nuk e prisja fare.
E pash nga mediat. Një zyrtar që i ka shërbyer vendit, akuzohet nga dosja që është një paçavure, sepse ligji është mbi porva dhe fakte.
Është një paçavure e disa prokurorëve të bërë akuza ndaj babit tim. Dosja erdhi shumë më vonë. Dhanë masën “arrest shtëpie” një burrë mbi 70 vjec”, tha ajo ndër të tjera.
