Ish-banorja e Big Brother VIP Albania, Rizarta, e cila u eliminua e dyta gjatë spektaklit të së shtunës, është përballur me një valë reagimesh pas një videoje të shpërndarë në rrjetet sociale.
Në këtë video, e cila u bë virale para daljes së saj nga shtëpia, Rizarta dhe Aldo shihen së bashku në krevat duke biseduar. Një moment specifik nga kjo bisedë ka tërhequr vëmendjen e publikut, pasi Aldo dëgjohet duke thënë: “Shtrëngoje pak”, ndërsa Rizarta i përgjigjet: “S’kam fuqi”.
Kjo shkëmbim fjalësh u interpretua në mënyra të ndryshme nga ndjekësit, disa prej të cilëve aluduan për kuptime të tjera.
Pas largimit nga BBVA, Rizarta u ftua në emisionin Fun Club, ku vendosi të sqarojë situatën. Ajo shpjegoi se biseda mes saj dhe Aldos nuk kishte asnjë nënkuptim të fshehtë dhe se ishte keqkuptuar nga publiku.
“Ishte një moment krejt i zakonshëm, por që u keqkuptua. Po flisnim për muskujt e barkut dhe Aldo më tha të shtrëngoja barkun. Unë i thashë se nuk kisha fuqi për ta bërë”, tha ajo.
