Gjesti është një nga konkurrentët aktualë të Big Brother VIP Albania, por rrugëtimi i tij në këtë format ka qenë i veçantë.
Ai fillimisht ishte banor në Big Brother VIP Kosova, ku qëndroi për 82 ditë. Pasi u eliminua nga loja, vetëm 24 orë më vonë, ai u bë pjesë e Big Brother VIP Albania, ku deri më tani ka qëndruar për 72 ditë. Në total, kjo e çon qëndrimin e tij në shtëpinë e famshme në 154 ditë.
Megjithatë, ky nuk është rekordi më i gjatë në historinë e Big Brother. Sezoni më i gjatë i këtij formati ka qenë Big Brother Germany 5, i cili zgjati 365 ditë nga marsi 2004 deri në mars 2005.
Banorët e atij sezoni qëndruan në shtëpi për një vit të plotë, një rekord i paprecedentë në historinë e reality show-t, sezon që u shpërblye edhe me një “Rekord Botëror Guinness”.
Nëse shikojmë vetëm formatet VIP, shumica e edicioneve zgjasin rreth 100 deri në 120 ditë, duke e bërë rrugëtimin e Gjestit një nga më të gjatët në historinë e Big Brother VIP.
