Praktikimi i disa strategjive të thjeshta, mund t’ju ndihmojë të menaxhoni dhe të zbusni ankthin e udhëtimeve me avion e pse jo menjëherë në udhëtimin tuaj të radhës
Është njerëzore që thjesht ideja e një fluturimi t’ju provokojë atë boshllëkun në stomak, duar të djersitura etj.
Frika nga aeroplani, është një fenomen jo i rrallë e cila prek një pjesë të konsiderueshme të popullsisë dhe ndonjëherë mund të shkojë përtej një frike të zakonshme.
Por të kuptosh se nga vjen kjo frikë dhe se cili mund të jetë burimi i kësaj ndjesie dhe sesi mund të menaxhohet frika, mund të transformojë menjëherë eksperiencën tuaj të fluturimit.
Çfarë është ankthi i parashikuar?
Ankthi i parashikuar është ai fenomen ku frika e të panjohurës përpara një ngjarjeje krijon një rreth vicioz. Kjo formë frike na shtyn të mendojmë dhe të imagjinojmë skenare jo të vërteta në kokën tonë. Skenare katastrofike siç mund të jenë turbulencat e forta apo një aksident i mundshëm ajror.
Problemi është se sa më shumë të dyshoni për ngjarjet që nuk kanë baza në realitet, aq më shumë rritet niveli juaj i shqetësimit dhe i ankthit duke e shndërruar dhe konsideruar udhëtimin akoma edhe më të vështirë!- ka konfirmuar psikologu Martin N.Seif në një artikull të publikuar në Psychology Today.
Kur ne fillojmë të parashikojmë këto frikëra, ne kemi tendencën të kërkojmë mënyra që të shmangim udhëtimet me avion. Dhe në këtë mënyrë ne nuk bëjmë gjë tjetër vetëm se ushqejmë ankthin, i cili përforcon idenë se aeroplani është i rrezikshëm. Është si një rreth vicioz nga i cili sa më shumë kërkon të largohesh aq më shumë rritet niveli juaj i ankthit.
Pse frika duket kaq reale?
Problemi kryesor i këtij ankthi është ajo që ne e quajmë “Bashkimi Mendim-Veprim”. Në terma të tjerë, të menduarit për një aksident ajror mjafton ndonjëherë të na bëjë të ndjejmë se ky rrezik është i pashmangshëm edhe pse mundësitë që të ndodhi janë pafundësisht të vogla.
Ky mendim ekzagjeron perceptimin e rrezikut dhe trupi nis të reagojë sikur një rrezik është real kur në të vërtetë është thjeshtë një reagim i asaj që ndjejmë dhe besojmë që po ndodh. Ky fenomen nxitet nga mendime irracionale duke bërë që ankthi të ketë të vështirë të dallojë në të vërtetë rastet që paraqesin rreziqe reale.
Si ta kalojmë këtë frikë?
Çelësi për ta tejkaluar këtë frikë qëndron tek angazhimi. Duke marrë një vendim koshient për të udhëtuar duke u përballur me frikërat tuaja, ju e zbusni një pjesë të ankthit tuaj. Vetëdija e plotë do të thotë kujdesi dhe vëmendja në momentin e dhënë e cila mund t’ju vijë në ndihmë.
Të përqendroheni në gjëra reale si leximi, apo të shikuarit në dritare mund t’ju lejojë të fokusoni shpirtin tuaj në realitet dhe të pakësoni copëzat e ankthit, shkruan Class.
Të pranosh që disa mendime ankthioze lindin por të refuzosh t’i japësh atyre rëndësi. Nuk po themi t’i shpallni luftë por rindërtojeni vëmendjen tuaj kundrejt ndjesive të mira dhe aktiviteteve relaksuese. Kjo gjë mund t’ju ndihmojë dhe t’ju lejojë të thyeni ciklin delikat të ankthit.
