Janë publikuar pamjet nga momenti i tragjedisë në Maqedoninë e Veriut.
Dilni jashtë! “Dilni jashtë, do të kthehemi ”, tha Panço nga DNK para të pranishmëve pasi u shfaqën flakët e para nga zjarri i mbrëmshëm në diskotekën “Pulse” në Koçan, ku humbën jetën më shumë se 50 persona. Pamjet tregojnë një vijë zjarri që përhapet mbi prozhektorët.
Sipas mediave lokale, zjarri është përhapur nga mjetet piroteknike që janë përdorur gjatë një performance nga bendi maqedonas DNA. Në kohën e shpërthimit dhe përhapjes së zjarrit, klubi ka qenë i mbushur me njerëz.
Koncerti u ndoq nga 1500 njerëz. Mediat vendase raportojnë se shkak i zjarrit dyshohet të ketë qenë lëndët piroteknike që janë përdorur brenda në ambientet e lokalit për të festuar. Gjithsesi rrethanat nuk janë ende të qarta, por Prokuroria e Koçanit ka njoftuar se disa persona që kanë organizuar festën janë vënë në pranga.
