Në 15 mars 2008, shpërthimi i një fabrike municionesh në Gërdec mori jetën e 26 personave dhe la 300 të tjerë të plagosur, duke shkatërruar gjithashtu banesat dhe jetët e shumë qytetarëve të zonës.
Ky shpërthim mbetet një nga ngjarjet më tragjike në historinë e Shqipërisë, ku ende hetimet janë të hapura.
Pas 17 vitesh hetimesh, SPAK ka dorëzuar dosjen përkatëse në Gjykatën e Posaçme Antikorrupsion, duke akuzuar ish ministrin Fatmir Mediu për shpërdorim detyre, në bashkëpunim me zinxhirin komandues ushtarak.
Dosja është rikthyer në gjykatë pas denoncimit të një familjeje nga Gërdeci, fshati që mbajti peshën më të madhe të tragjedisë.
